معروف ٹک ٹاکر مسٹر پتلو کو اسلام آباد ہائیکورٹ سے ریلیف مل گیا۔ عدالت نے ان کی حفاظتی ضمانت منظور کرتے ہوئے 10 نومبر تک متعلقہ عدالت میں پیش ہونے کا حکم دے دیا۔
اسلام آباد ہائیکورٹ کے چیف جسٹس سردار سرفراز ڈوگر نے مسٹر پتلو کی درخواست پر سماعت کی۔ اس موقع پر وہ اپنے وکیل کے ہمراہ وہیل چیئر پر عدالت میں پیش ہوئے۔
دورانِ سماعت مسٹر پتلو کے وکیل بیرسٹر قاسم نواز نے مؤقف اختیار کیا کہ مہندی کی تقریب کے لیے باقاعدہ این او سی حاصل کیا گیا تھا۔ ان کا کہنا تھا کہ امن و امان برقرار رکھنا انتظامیہ کی ذمہ داری تھی۔
وکیل کے مطابق تقریب کے دوران مسٹر پتلو موقع پر موجود نہیں تھے بلکہ اسپتال میں زیر علاج تھے۔
بیرسٹر قاسم نواز نے عدالت میں خدشہ ظاہر کیا کہ مسٹر پتلو کو سی سی ڈی کے مبینہ پولیس مقابلے میں نشانہ بنایا جا سکتا ہے۔
عدالت نے دلائل سننے کے بعد مسٹر پتلو کی حفاظتی ضمانت منظور کرلی اور انہیں 10 نومبر تک متعلقہ عدالت سے رجوع کرنے کی ہدایت کردی۔
دیکھیے: لاہور میں خودکشی کے بڑھتے واقعات
