بھارتی صحافی اجے شکلا نے دعویٰ کیا ہے کہ مودی حکومت بھارتی فوج سمیت ملک کے مختلف اداروں میں آر ایس ایس اور بی جے پی کے نظریے سے وابستہ افراد کو اہم عہدوں پر تعینات کر رہی ہے۔
گفتگو کرتے ہوئے اجے شکلا نے کہا کہ بھارتی فوج میں بھی یہ عمل شروع ہو چکا ہے۔ ان کے مطابق فوجی اسکولوں کو آر ایس ایس کے حوالے کیا جا رہا ہے تاکہ نئی نسل کو مخصوص نظریے کے تحت تیار کیا جا سکے۔
اجے شکلا نے اگنی ویر بھرتی پروگرام پر بھی سوالات اٹھائے۔ ان کا کہنا تھا کہ چار سال بعد ملازمت ختم ہونے والے نوجوانوں کو مستقبل میں روزگار دینے کے وعدوں کے ذریعے اپنے مقاصد کے لیے استعمال کیا جا سکتا ہے۔
بھارتی صحافی نے مزید دعویٰ کیا کہ ملک میں صحافیوں کو سچ رپورٹ کرنے سے روکا اور ڈرایا جا رہا ہے۔ انہوں نے مودی حکومت کی انتخابی کامیابی پر بھی سوال اٹھاتے ہوئے کہا کہ حکومت پر ووٹ چوری کے الزامات ہیں اور ایسے حالات میں عوام کی توجہ حاصل کرنے کے لیے قوم پرستی کو ابھارنے والے بیانیے سامنے لائے جاتے ہیں۔
اجے شکلا کے ان بیانات نے بھارتی اداروں میں سیاسی نظریے کے اثر و رسوخ، فوج کی خودمختاری اور صحافتی آزادی سے متعلق اہم سوالات اٹھا دیے ہیں۔ تاہم پروگرام میں پیش کیے گئے یہ الزامات ان کا مؤقف ہیں۔
دیکھیے ؛ جی ایس پی پلس پر سیاست، بھارتی لابیز کا پاکستان مخالف پراپیگنڈا بے نقاب





