بلوچستان کے ضلع آواران میں سکیورٹی فورسز نے انٹیلی جنس بیسڈ آپریشن کیا۔ کارروائی کے دوران 3 دہشتگرد ہلاک ہوگئے۔ ہلاک دہشتگردوں کے قبضے سے اسلحہ اور گولہ بارود بھی برآمد ہوا۔
سکیورٹی ذرائع کے مطابق کارروائی آواران کے علاقے بدرنگ میں کی گئی۔ یہ آپریشن ردالفتنہ 3 کے تحت کیا گیا۔
ذرائع کا کہنا ہے کہ کارروائی میں فتنہ الہندوستان سے تعلق رکھنے والے 3 دہشتگرد ہلاک ہوئے۔ فورسز نے ہلاک دہشتگردوں کے قبضے سے بھاری مقدار میں اسلحہ اور گولہ بارود برآمد کیا۔
دوسری جانب علاقے میں مزید دہشتگردوں اور ان کے سہولت کاروں کی موجودگی کے پیش نظر کارروائیاں جاری ہیں۔
بلوچستان میں کارروائیاں جاری
سکیورٹی ذرائع کے مطابق بلوچستان میں دہشتگردی کے خلاف کارروائیاں جاری ہیں۔ سکیورٹی فورسز امن و امان برقرار رکھنے اور دہشتگرد عناصر کے خاتمے کے لیے اقدامات کر رہی ہیں۔
وفاقی وزیر داخلہ محسن نقوی نے آواران میں کارروائی کے دوران 3 دہشتگردوں کی ہلاکت پر سکیورٹی فورسز کو خراج تحسین پیش کیا۔
محسن نقوی نے کہا کہ دہشتگردوں کے مذموم عزائم ناکام بنانے پر سکیورٹی فورسز کو سلام پیش کرتے ہیں۔ انہوں نے کہا کہ دہشتگردوں اور ان کے سہولت کاروں کا مکمل خاتمہ پوری قوم کی آواز ہے۔
وفاقی وزیر داخلہ کا کہنا تھا کہ بلوچستان میں قیام امن کے لیے سکیورٹی فورسز کے جوان پرعزم ہیں۔ دہشتگردی کے خاتمے کے لیے پوری قوم سکیورٹی فورسز کے شانہ بشانہ کھڑی ہے۔
دیکھیے: جنگِ ستمبر 1965: جب 16ویں روز بھارتی فوج کا جانی نقصان 6889 تک جاپہنچا