آئی ایس پی آر کے ڈائریکٹر جنرل لیفٹیننٹ جنرل احمد شریف چوہدری نے کہا ہے کہ ریاست کے تمام شہری برابر ہیں، تاہم وسائل کی تقسیم میں آزاد کشمیر کو سب سے زیادہ حصہ ملتا ہے۔
پریس کانفرنس کے دوران انہوں نے دلچسپ انداز میں کہا کہ ریاست کے سارے بچے ہیں، لیکن لاڈلہ آزاد کشمیر ہے۔ ان کے مطابق اگر وسائل پر بات کی جائے تو ملک کے دیگر حصوں کے مقابلے میں سب سے زیادہ حصہ آزاد کشمیر کو ملتا ہے۔
انہوں نے واضح کیا کہ آزاد کشمیر کے معاملات کو وہاں کی اپنی پولیس ہینڈل کر رہی ہے۔ نیز اس خطے کا معاملہ فوج سے کوئی تعلق نہیں رکھتا، بلکہ یہ مکمل طور پر وہاں کی مقامی حکومت دیکھ رہی ہے۔
اسی دوران ڈی جی آئی ایس پی آر نے ایک تلخ سوال بھی اٹھایا کہ سکیورٹی اہلکاروں کے ساتھ جو ہوا، کیا وہ دنیا کو نظر نہیں آیا؟ ان کا کہنا تھا کہ پولیس کے ساتھ وہاں جو رویہ اختیار کیا گیا، وہ ناقابلِ بیان ہے۔
دیکھیے: سوات اور ہنگو میں سکیورٹی فورسز کی کارروائیاں، 21 دہشت گرد ہلاک
