ایرانی وزیر خارجہ عباس عراقچی نے فیلڈ مارشل عاصم منیر سے ٹیلیفونک رابطہ کیا ہے۔ دونوں رہنماؤں نے خطے کی تازہ صورتحال اور باہمی دلچسپی کے امور پر تبادلہ خیال کیا۔
ایرانی میڈیا کے مطابق عباس عراقچی نے دورہ چین کے دوران فیلڈ مارشل عاصم منیر سے فون پر بات کی۔ گفتگو میں خطے کی تازہ پیش رفت کا جائزہ لیا گیا۔
اس موقع پر دونوں ممالک کے باہمی دلچسپی کے امور بھی زیر بحث آئے۔ تاہم، رابطے میں زیر بحث دیگر امور کی تفصیلات سامنے نہیں آئیں۔
پڑوسی ممالک سے رابطے
اس سے قبل عباس عراقچی نے چین میں وزیر خارجہ وانگ یی سے ملاقات کی۔ اس دوران خطے میں کشیدگی کم کرنے اور مذاکرات کی بحالی پر بھی بات ہوئی۔
چینی وزیر خارجہ وانگ یی نے بھی امریکہ اور ایران پر زور دیا کہ وہ مزید کشیدگی سے گریز کریں اور زیر التوا معاملات کے حل کے لیے مذاکرات کی طرف واپس آئیں۔
دیکھیے: مکہ کی حفاظت کیلئے کسی معاہدے کی ضرورت نہیں، خواجہ آصف کا دوٹوک اعلان
