لوفتھانزا پرواز میں بھارتی شہری کے حملے سے دو کم عمر بچے زخمی ہوگئے

امریکا کے شہر بوسٹن میں ایف بی آئی نے بھارتی شہری پرنیت کمار پر فردِ جرم عائد کر دی ہے۔ بھارتی شہری پر الزام عائد کیا جارہا ہے کہ اس نے شکاگو سے جرمنی جانے والی لوفتھانزا پرواز کے دوران دو کم عمر بچوں پر دھاتی کانٹے سے حملہ کیا۔

امریکی حکام کے مطابق مذکورہ واقعہ دورانِ سفر پیش آیا، جب بھارتی شہری نے دو کم عمر بچوں کو نقصان پہنچانے کی غرض سے ان پر حملہ کیا۔ عملے نے فوری طور پر مداخلت کرتے ہوئے ملزم کو اپنی گرفت میں لے لیا جس کے بعد پرواز کے جرمنی پہنچنے پر حکام نے اسے حراست میں لے لیا۔

ایف بی آئی کے بوسٹن ڈویژن نے واقعے کی تفتیش شروع کر دی ہے، اس موقع پر مریکی حکام کا کہنا ہے کہ ایسے واقعات میں ملوث افراد کے خلاف سخت قانونی کارروائی کی جائے گی تاکہ فضائی سفر کو محفوظ بنایا جا سکے۔

دیکھیں: بھارت سے ملحقہ فضائی حدود دو دن کیلئے صبح کے اوقات میں بند رہیں گی