پاکستان میں موجود انٹرنیٹ صارفین کے لیے اہم خبر ہے کہ 15 جنوری کو پورے ملک میں انٹرنیٹ سروس متاثر ہو سکتی ہے۔ تفصیلات کے مطابق نیا ٹیل کمپنی نے اس کی وجہ بین الاقوامی سب میرین انٹرنیٹ کیبل پر ہونے والا مرم٘تی کام بتایا ہے، جس کے باعث صارفین کو سست رفتار انٹرنیٹ یا کچھ وقت کے لیے سروس میں مکمل تعطل کا سامنا کرنا پڑ سکتا ہے۔
نیا ٹیل کے مطابق مرمت کا عمل دوپہر تقریباً دن 2 بجے سے شروع ہوتے ہوئے تقریباً آٹھ گھنٹے تک جاری رہے گا۔ اس دوران ملک بھر میں انٹرنیٹ کی کارکردگی متاثر ہونے کا خدشہ ہے۔ کمپنی کی جانب سے صارفین کو بھیجے گئے ای میل میں کہا گیا ہے کہ یہ مرمت بین الاقوامی سب میرین کیبل پر کی جا رہی ہے۔
یاد رہے کہ اس نوعیت کا یہ پہلا واقعہ نہیں ہے، بلکہ اس ماہ کے آغاز میں بھی پاکستان بھر میں انٹرنیٹ کی سست روی اور جزوی بندش کی شکایات سامنے آئی تھیں، جس کے باعث لاکھوں صارفین کے روز مرہ کے کام متاثر ہوئے تھے۔
مذکورہ صورتحال کو مد نظر رکھتے ہوئے متعلقہ اداروں نے تمام صارفین اور آن لائن کاروبار سے منسلک افرادکو ہدایت کی ہے کہ وہ 15 جنوری کے دن اپنے اہم آن لائن کاموں کی پیشگی منصوبہ بندی کریں تاکہ مقررہ دن پریشانی کا سامنا نہ کرنے پڑے۔
دیکھیں: خیبر پختونخوا میں بدامنی کی لہر: بنوں میں فائرنگ سے امن کمیٹی کے 4 ارکان جاں بحق