ایرانی پاسدارانِ انقلاب نے اردن اور کویت میں قائم امریکی فوجی اڈوں پر پاسداران کی ایرواسپیس فورس کی جانب سے کیے گئے حملوں کے دوران متعدد جدید ترین ایف-35 اسٹیلتھ جنگی طیاروں اور فوجی ہیلی کاپٹرز کو تباہ کرنے کا دعویٰ کیا ہے۔
ایرانی خبر ایجنسی فارس کے مطابق پاسدارانِ انقلاب کا کہنا ہے کہ اردن کے ال ازرق ایئر بیس پر بیلسٹک میزائلوں سے حملہ کیا گیا، جس میں ڈویلپمنٹ ریمپ اور مینٹیننس ہینگر میں موجود 3 امریکی ایف-35 اسٹیلتھ جنگی طیارے مکمل طور پر تباہ ہو گئے جبکہ دیگر 3 طیاروں کو شدید نقصان پہنچا ہے۔
ایئر بیس پر حملے
پاسدارانِ انقلاب نے ایک اور بیان میں بتایا کہ آپریشن ‘نصر 2’ کے تسلسل میں کویت کے علی السلیم امریکی ایئر بیس کو بھی نشانہ بنایا گیا۔ اس حملے میں 2 ڈرون ہینگرز اور ایئر کرافٹ فیول ٹینک مکمل تباہ ہوئے جن سے شدید آگ بھڑک اٹھی۔
امریکی نقصان
بیان کے مطابق کویت میں امریکی بیس پر کیے گئے ڈرون و میزائل حملے کے نتیجے میں وہاں موجود امریکی فوج کے ہیلی کاپٹرز اور دیگر تنصیبات کو بھی بھاری نقصان پہنچا ہے۔
ایرانی حکام کا کہنا ہے کہ یہ کارروائیاں خطے میں امریکی پیش قدمی کا جواب دینے اور عسکری طاقت کو سبق سکھانے کے لیے کی گئی ہیں۔ دوسری جانب امریکی حکام یا آزاد ذرائع سے فی الحال ان دعووں کی باقاعدہ تصدیق نہیں کی گئی۔
دیکھیے: اللّٰہ کی مدد سے آج جارح کو سزا ملے گی: پاسدارانِ انقلاب امریکہ پر جوابی حملوں کا اعلان