خاران کے علاقے جنگیان کے قریب سکیورٹی فورسز نے خفیہ اطلاع پر کارروائی کرتے ہوئے فتنہ الہندوستان کے 9 دہشت گردوں کو ہلاک کردیا۔
سکیورٹی ذرائع کے مطابق 6 ستمبر کو اطلاع ملی تھی کہ دہشت گرد جنگیان کے قریب مرکزی شاہراہ پر ناکہ لگانے کی منصوبہ بندی کر رہے ہیں۔ اطلاع ملتے ہی سکیورٹی فورسز نے علاقے کو گھیرے میں لے لیا۔ اس دوران فورسز اور دہشت گردوں کے درمیان فائرنگ کا تبادلہ ہوا۔
فائرنگ کے نتیجے میں 9 دہشت گرد ہلاک ہوگئے۔ سکیورٹی فورسز نے علاقے میں کلیئرنس اور سرچ آپریشن بھی شروع کردیا۔
ذرائع کے مطابق دہشت گرد مرکزی شاہراہ پر ناکہ لگانے کی منصوبہ بندی کر رہے تھے۔ ان کا مقصد شہریوں کی آمدورفت میں خلل ڈالنا تھا۔ تاہم سکیورٹی فورسز نے بروقت کارروائی کرکے یہ منصوبہ ناکام بنا دیا۔ علاقے میں نگرانی بھی مزید بڑھا دی گئی ہے۔
سکیورٹی فورسز نے علاقے میں سرچ آپریشن جاری رکھا ہوا ہے۔ فرار ہونے والے ممکنہ دہشت گردوں اور ان کے سہولت کاروں کی تلاش بھی کی جارہی ہے۔
سکیورٹی فورسز کی دہشت گردوں کے خلاف کارروائیاں جاری ہیں۔ فورسز کا عزم ہے کہ علاقے کو مکمل طور پر محفوظ بنایا جائے گا اور آخری دہشت گرد کے خاتمے تک کارروائی جاری رکھی جائے گی۔
دیکھیے: خیبر پختونخوا میں سکیورٹی فورسز کی کارروائیاں، 21 خوارج ہلاک
