خیبر پختونخوا میں سکیورٹی فورسز نے دہشت گردوں کے ممکنہ حملے کی خفیہ اطلاع ملنے پر آپریشن الرصاد کے تحت کارروائی کرتے ہوئے 8 دہشت گردوں کو ہلاک جبکہ 15 کو زخمی کر دیا ہے۔ سکیورٹی ذرائع کے مطابق یہ کارروائی دہشت گردوں کے بڑے حملے کے منصوبے کو ناکام بنانے کے لیے کی گئی۔
سکیورٹی ذرائع کا کہنا ہے کہ کارروائی کے دوران زمینی آپریشن کے ساتھ ساتھ انتہائی درست نشانہ بنانے والے حملے بھی کیے گئے۔ یہ آپریشنز کالوشہ، سیرا پوسٹ، زولو پوسٹ، کے پی-3 اور کے-33 کے مختلف علاقوں میں انجام دیے گئے جہاں دہشت گردوں کے ٹھکانوں کو نشانہ بنایا گیا۔
ہلاک ہونے والے دہشت گردوں کا تعلق فتنۃ الخوارج سے تھا، جن میں ان کے اہم کمانڈر انصار اور مولوی بھی شامل ہیں۔ سکیورٹی فورسز نے علاقے میں کلیئرنس اور سرچ آپریشن جاری رکھا ہوا ہے تاکہ کسی بھی ممکنہ خطرے کا مکمل خاتمہ کیا جا سکے۔
دیکھیے: لکی مروت میں آپریشن 11 گرج، افغان شہری سمیت 3 خوارج ہلاک