پاکستانی میڈیا رپورٹس کے مطابق وزیرِ داخلہ محسن نقوی نے اپنے دورۂ چین کے دوران آج (بدھ کے روز) چین کے وزیرِ عوامی سلامتی وانگ شیاو ہونگ سے ملاقات کی۔ ملاقات میں پاکستان میں مقیم چینی شہریوں کے تحفظ سمیت باہمی سکیورٹی تعاون سے متعلق امور پر تفصیلی تبادلۂ خیال کیا گیا۔
وزیرِ داخلہ محسن نقوی نے اس موقع پر کہا کہ پاکستان چینی شہریوں کی سلامتی کو انتہائی سنجیدگی سے لیتا ہے اور ان کے تحفظ کو یقینی بنانے کے لیے ایک خصوصی سکیورٹی یونٹ قائم کرنے کا منصوبہ رکھتا ہے۔ ان کا کہنا تھا کہ یہ یونٹ خاص طور پر چین سے تعلق رکھنے والے ماہرین، کارکنان اور منصوبوں کی حفاظت کے لیے تعینات کیا جائے گا۔
واضح رہے کہ ماضی میں افغان سرزمین سے پاکستان میں چینی شہریوں کو متعدد مہلک حملوں کا نشانہ بنایا جا چکا ہے، جس کے باعث سکیورٹی انتظامات ایک اہم چیلنج بنے ہوئے ہیں۔ دونوں رہنماؤں کی ملاقات میں اس مسئلے سے نمٹنے کے لیے تعاون بڑھانے اور عملی اقدامات پر اتفاق کیا گیا۔
دیکھیں: تخار میں سونے کی کانوں پر قبضے کی جنگ خونریز رخ اختیار کر گئی، پانچ چینی شہری اغوا کے بعد قتل