پاکستان ازبکستان کے ساتھ صحت کے تمام شعبوں میں تعاون کیلئے پُرعزم ہے، مصطفیٰ کمال

مشترکہ منصوبوں کے لئے مفاہمتی یادداشت یا معاہدے پر عملدرآمد اور میڈیکل یونیورسٹیوں کے درمیان تعلیمی و تحقیقی اشتراک فروغ پر بھی اتفاق ہوا۔
پاکستان ازبکستان کے ساتھ صحت کے تمام شعبوں میں تعاون کیلئے پُرعزم ہے، مصطفیٰ کمال

دونوں رہنماؤں نے صحت کے شعبے میں تعاون بڑھانے پر بھی اتفاق کیا۔

October 16, 2025

وفاقی وزیرِ برائے قومی صحت سید مصطفیٰ کمال نے کہا ہے کہ پاکستان ازبکستان کے ساتھ صحت کے تمام شعبوں میں تعاون کیلئے پُرعزم ہے،دونوں ملکوں کے عوام کی صحت کی بہتری کیلئے مل کر کام کریں گے، وزارتِ صحت کی سطح پر ادارہ جاتی تعاون کو بڑھایا جائے گا ۔ان خیالات کا اظہار انہوں نے ازبکستان کے سفیر علی شیر تختیوف سے ملاقات کے دوران کیا۔

دونوں رہنماؤں نے صحت کے شعبے میں تعاون بڑھانے پر بھی اتفاق کیا۔ ملاقات میں صحت کے شعبے سمیت باہمی دلچسپی کے امور پر بات چیت ہوئی۔وفاقی وزیر صحت نے کہا کہ دونوں ممالک کے درمیان برادرانہ اور گہرے مراسم ہیں ،دونوں ممالک کے درمیان طبی تعلیم، تحقیق اور ڈیجیٹل میڈیسن میں اشتراک بڑھانے پر اتفاق ہوا۔

مشترکہ منصوبوں کے لئے مفاہمتی یادداشت یا معاہدے پر عملدرآمد اور میڈیکل یونیورسٹیوں کے درمیان تعلیمی و تحقیقی اشتراک فروغ پر بھی اتفاق ہوا۔ پاکستان میں تاشقند اسٹیٹ میڈیکل یونیورسٹی کی شاخ کے قیام پر بات چیت ہوئی۔

انہوں نے کہا کہ طبی ماہرین کے لئے قلیل مدتی تربیت و انٹرن شپ پروگرامز ایک دوسرے کے تجربات سے مستفید ہو سکتے ہیں ۔کارڈیالوجی،آنکولوجی،اینڈوکرائنولوجی اور سرجری میں تربیتی تعاون کو فروغ دیا جائے گا جبکہ ڈیجیٹل ہیلتھ، ٹیلی میڈیسن اور اے آئی پر مبنی تشخیص میں اشتراک کو بھی بڑھائیں گے ۔

دیکھیں: گیارہویں کلاس کے نتائج نے پنجاب کے تعلیمی معیار کو بے نقاب کردیا

متعلقہ مضامین

مولانا طیب قریشی نے دورۂ بونیر کے دوران پیغامِ امن کمیٹی کا نیٹ ورک خیبرپختونخوا کے تمام اضلاع اور تحصیلوں تک پھیلانے کا اعلان کیا ہے۔

November 22, 2026

محسن نقوی نے ایک وزیر کی مسلسل تنقید پر ردعمل دیتے ہوئے کہا ہے کہ جواب دیا تو وہ منہ چھپانے کے قابل نہیں رہے گا۔

November 22, 2026

اقوام متحدہ میں پاکستان کے مستقل مندوب سید حیدر شاہ نے دہشتگردی کے خلاف قربانیوں، افغانستان سے حملوں اور عالمی پابندیوں کے نظام کو مؤثر بنانے پر زور دیا۔

November 22, 2026

ٹرمپ نے ایران کے ساتھ ایسا مستقل جوہری معاہدہ کرنے کی خواہش ظاہر کی ہے جسے مستقبل کا کوئی امریکی صدر تبدیل نہ کر سکے۔

November 22, 2026

رائے دیں

Leave a Reply

Your email address will not be published. Required fields are marked *