پاکستان کے بینک الفلاح نے اعلان کیا ہے کہ اس کے بورڈ آف ڈائریکٹرز نے افغانستان کے غضنفر بینک کی جانب سے دی گئی ایک غیر پابند (نان بائنڈنگ) پیشکش کو قبول کر لیا ہے، جس کے تحت افغانستان میں بینک الفلاح کے آپریشنز کے ممکنہ حصول پر غور کیا جائے گا۔
بینک الفلاح کی جانب سے جاری وضاحت میں کہا گیا ہے کہ اس پیشکش کی منظوری کو حتمی فروخت تصور نہیں کیا جانا چاہیے، بلکہ یہ محض عمل کے آئندہ مراحل کے آغاز کی ایک ابتدائی پیش رفت ہے۔ بیان کے مطابق اس فیصلے کے بعد تفصیلی جانچ پڑتال، ضابطہ جاتی منظوریوں اور دیگر قانونی و مالی تقاضوں سمیت متعدد مراحل طے کیے جائیں گے، جن کی تکمیل کے بعد ہی کسی حتمی معاہدے تک پہنچا جا سکے گا۔
بینک نے مزید کہا کہ تمام فیصلے متعلقہ قوانین اور ریگولیٹری فریم ورک کے مطابق کیے جائیں گے اور اس عمل سے متعلق کسی بھی اہم پیش رفت سے بروقت آگاہ کیا جائے گا۔
دیکھیں: تخار میں سونے کی کانوں پر قبضے کی جنگ خونریز رخ اختیار کر گئی، پانچ چینی شہری اغوا کے بعد قتل
