المرصاد جیسے پلیٹ فارمز کی جانب سے مسلسل پاکستان کے حساس اور عسکری اداروں کے خلاف من گھڑت اور مہم جویانہ پرواپیگنڈا پھیلايا جا رہا ہے۔ حالیہ رپورٹس اور مضامین کے ذریعے یہ تاثر دینے کی ناکام کوشش کی جا رہی ہے کہ ریاستی ادارے پشتون اور بلوچ عوام کے درمیان دوری پیدا کر رہے ہیں، جبکہ حقیقت اس کے برعکس ہے۔
تجزیہ کاروں اور مبصرین کے مطابق المرصاد اور اس قبیل کے دیگر ذرائع کا اصل مقصد پشتون اور بلوچ عوام کو گمراہ کر کے ملک میں انارکی، بے یقینی اور صوبائی و نسلی تعصبات کو ہوا دینا ہے۔ افغان سرحد پار سے جاری اس زہریلے بیانیے کے تحت ریاستی اداروں پر بے بنیاد الزامات عائد کر کے عوام اور افواجِ پاکستان کے درمیان خلیج پیدا کرنے کی ناپاک کوشش کی جا رہی ہے۔
ان حالات میں یہ اشد ضروری ہے کہ بلوچ اور پشتون قومیں پاکستان کی سلامتی اور بقا کے ضامن ریاستی اداروں کے شانہ بشانہ کھڑی ہوں۔ بلوچستان اور خیبرپختونخوا کی ترقی، امن اور استحکام کا راز صرف اور صرف قومی یکجہتی، ہم آہنگی اور ریاستی سلامتی کی ضامن فورسز کے ساتھ مکمل تعاون میں پنہاں ہے۔
عوام، خصوصاً نوجوانوں اور ذمہ دار صحافتی طبقات پر یہ بھاری ذمہ داری عائد ہوتی ہے کہ وہ ملک دشمن اور باضابطہ پروپیگنڈا سیلز کی من گھڑت افواہوں کا شکار ہونے کے بجائے سچائی کا ساتھ دیں اور پاکستان کی یکجہتی کو نقصان پہنچانے والی تمام سازشوں کو یکسر مسترد کر دیں۔
