یمنی میڈیا کے مطابق سعودی عرب کے یمن میں فضائی حملے جاری ہیں۔ جنگی طیاروں نے مارب، الجوف اور تعز میں کارروائیاں کیں۔ ان حملوں میں عسکری ٹھکانوں کو نشانہ بنایا گیا۔
الجوف کے ضلع خب والشعف میں 5 حملے کیے گئے۔ صوبہ مارب کے علاقے صرواح پر 10 بم گرائے گئے۔ تعز کے علاقے میں بھی 5 کارروائیاں کی گئیں، جبکہ صعدہ کے ضلع غمر پر بھی بمباری ہوئی۔
یمن میں فضائی حملے
عرب میڈیا کے مطابق اتحادی فوج نے ان کارروائیوں کی فوری تصدیق نہیں کی ہے۔ دوسری طرف سعودی سول ڈیفنس نے نیا الرٹ جاری کیا۔ خمیس مشیط کے شہریوں کو ممکنہ خطرات سے خبردار کیا گیا۔
سعودی کابینہ نے حوثیوں کے اقدامات کو مسترد کر دیا ہے۔ حکام کا کہنا ہے کہ شہری علاقوں پر حملے کھلی جارحیت ہیں۔ گزشتہ روز حوثی ملیشیا کے حملوں میں 73 افراد زخمی ہوئے تھے۔ ان حملوں میں سعودی شہروں کی تنصیبات کو نشانہ بنایا گیا تھا۔
اتحادی فورس نے فوری اور سخت جوابی اقدام کا عزم ظاہر کیا تھا۔ ترجمان نے کہا تھا کہ شہریوں کے دفاع کے لیے تمام اقدامات اٹھائے جائیں گے۔
دیکھیے: حوثیوں کا 24 گھنٹوں میں تیسرا سعودی ڈرون مار گرانے کا دعویٰ
