جنوبی وزیرستان: خیبر پختونخوا کے بالائی جنوبی وزیرستان میں دہشت گردوں نے فائرنگ کرکے قبائلی رہنما ملک نائب محمد محسود کو قتل کردیا۔
ذرائع کے مطابق واقعہ لدھا کے علاقے منزکئی میں پیش آیا۔ دہشت گردوں نے ملک نائب محمد محسود کو فائرنگ کا نشانہ بنایا۔
فائرنگ کے نتیجے میں ملک نائب محمد محسود موقع پر ہی جاں بحق ہوگئے۔ حملہ آور کارروائی کے بعد پہاڑی علاقے کی جانب فرار ہوگئے۔
واقعے کے بعد علاقے میں سکیورٹی بڑھا دی گئی۔ سکیورٹی فورسز نے دہشت گردوں کی تلاش کے لیے کارروائیاں شروع کردی ہیں۔
فورسز نے علاقے میں سرچ آپریشن بھی تیز کردیا ہے۔ پہاڑی راستوں اور ممکنہ فرار کے مقامات پر نگرانی جاری ہے۔
سکیورٹی فورسز جنوبی وزیرستان میں دہشت گردی کے خلاف کارروائیاں جاری رکھے ہوئے ہیں۔ مختلف علاقوں میں مشتبہ دہشت گردوں اور ان کے سہولت کاروں کے خلاف کارروائیاں کی جا رہی ہیں۔
حکام کے مطابق علاقے کی سکیورٹی صورتحال پر نظر رکھی جا رہی ہے۔ واقعے سے متعلق مزید تفصیلات سامنے آنے کا انتظار ہے۔
دیکھیے: مٹہ میں سرچ آپریشن، دہشت گرد نیٹ ورک کے 6 مسلح افراد گرفتار