فٹبال ورلڈ کپ فائنل میں اسپین کی تاریخی کامیابی پر غزہ اور مقبوضہ مغربی کنارے میں فلسطینیوں نے بھرپور جشن منایا۔
اسپین نے فائنل میں دفاعی چیمپئن ارجنٹائن کو 0-1 سے شکست دے کر عالمی چیمپئن شپ کا اعزاز حاصل کیا۔ فیصلہ کن گول فیران توریز نے اضافی وقت کے دوسرے ہاف میں کیا۔
فلسطینی شہری بڑی تعداد میں مختلف شہروں میں نصب عارضی بڑی اسکرینوں کے سامنے جمع ہوئے، جبکہ متعدد افراد اسٹیڈیمز میں میچ دیکھنے پہنچے۔
اسپین کی فتح کے اعلان کے بعد ہزاروں افراد سڑکوں پر نکل آئے، نعرے لگائے اور جشن منایا۔
جشن میں شریک ہجوم نے اسپین کی کامیابی کو محض کھیل کی فتح قرار نہیں دیا بلکہ اسے فلسطین کے لیے ہسپانوی حکومت کی مسلسل حمایت کے اعتراف کے طور پر بھی سراہا۔
فلسطینیوں کا کہنا تھا کہ اسپین کی حکومت نے بین الاقوامی سطح پر فلسطینی مؤقف کی حمایت میں جو کردار ادا کیا ہے، وہ فلسطینی عوام کے لیے حوصلہ افزا ہے۔
انہوں نے مزید کہا کہ اسی وجہ سے اسپین کی ورلڈ کپ فتح ان کے لیے خصوصی جذباتی اور سیاسی اہمیت رکھتی ہے۔
واضح رہے کہ اسپین نے فرانسیسی کپتان کلیان ایمباپے کو سب سے زیادہ گول اسکور کرنے پر گولڈ بوٹ کا اعزاز ملنے کے باوجود ٹیم نے فائنل میں غلبہ برقرار رکھا۔ نیویارک کے نیوجرسی اسٹیڈیم میں کھیلا گیا یہ میچ مقررہ وقت تک بغیر کسی گول کے برابر رہا تھا۔
دنیا بھر کے مختلف شہروں میں فٹبال شائقین بڑی اسکرینوں پر فائنل میچ دیکھنے کے لیے جمع ہوئے، جن میں میڈرڈ، نیویارک کا سینٹرل پارک اور بیونس آئرس شامل ہیں۔