عوام کے حقوق اور جائز مطالبات کی آڑ میں پاکستان کی سلامتی کے خلاف ایک منظم اور سوچا سمجھا اسکرپٹ سامنے آ گیا ہے۔
جوائنٹ ایکشن کمیٹی اور اس کے نمائندے عمر نذیر کے زیرِ قیادت جاری تحریک کے بارے میں انکشاف ہوا ہے کہ عوامی مسائل جیسے سستی بجلی اور حقوق کا نعرہ صرف قوم کو گمراہ کرنے کا ایک دکھاوا تھا، جبکہ اس کے پیچھے اصل مقصد بھارتی آقاؤں کے اشارے پر ملک میں انارکی، انتشار اور عدم استحکام پھیلانا ہے۔
تجزیہ کاروں کے مطابق راجناتھ سنگھ کے کشمیر مخالف زہریلے دعوے کے ٹھیک دو ماہ بعد جوائنٹ ایکشن کمیٹی کا اچانک فعال ہونا کوئی اتفاقی واقعہ نہیں بلکہ دہلی کا لکھا ہوا ایک ہدف پر مبنی اسکرپٹ ہے۔
یہ کمیٹی اور اس سے وابستہ عناصر عوامی بھلائی اور حقوق کا نام استعمال کر کے ملک میں امن و امان کی صورتحال کو سبوتاژ کرنے اور ریاستی اداروں کے خلاف عدم اعتماد کی فضا قائم کرنے کی سازش میں مصروف ہیں۔
تحقیقات سے ظاہر ہوتا ہے کہ اس تحریک کا مقصد کبھی بھی عوام کے مسائل کا حل نہیں رہا، بلکہ مطالبات کا سہارا لے کر ملک کی اندرونی سلامتی کو نقصان پہنچانا تھا تاکہ دشمن کے ناپاک عزائم کی آبیاری کی جا سکے۔
عوام کو چاہیے کہ وہ حقوق کے نام پر جاری اس سازش اور انتشار پسند عناصر کا اصل چہرہ پہچانیں اور ملک کو عدم استحکام کی طرف دھکیلنے کی ہر کوشش کو ناکام بنائیں۔
