بلوچستان کے ضلع ہرنائی میں زیارت کراس کے مقام پر اسسٹنٹ کمشنر ہرنائی کے اسکواڈ پر دہشتگردوں نے گھات لگا کر حملہ کردیا۔
ابتدائی اطلاعات کے مطابق اسسٹنٹ کمشنر ہرنائی کے اسکواڈ کو ایف سی کی سکیورٹی حاصل تھی۔ حملے کے بعد سکیورٹی اہلکاروں نے فوری جوابی کارروائی کی۔
ابتدائی اطلاعات کے مطابق سکیورٹی فورسز کی جوابی کارروائی میں 11 دہشتگرد ہلاک ہوگئے۔ حملے کے دوران 8 سکیورٹی اہلکار بھی شہید ہوئے۔ اہلکاروں نے دہشتگردوں کا مقابلہ کرتے ہوئے جانوں کا نذرانہ پیش کیا۔
ذرائع کے مطابق مزید سکیورٹی نفری جائے وقوعہ پر پہنچ گئی ہے۔ اس کے بعد علاقے میں دہشتگردوں کی تلاش کے لیے کلیئرنس آپریشن شروع کردیا گیا ہے۔
سکیورٹی فورسز نے علاقے کو گھیرے میں لے لیا ہے۔ مزید دہشتگردوں کی موجودگی کا بھی جائزہ لیا جا رہا ہے۔ حکام کے مطابق علاقے کو محفوظ بنانے کے لیے کارروائی جاری ہے۔
دیکھیے: بلوچستان: پولیس اسٹیشن پر حملہ ناکام، 3 دہشتگرد ہلاک
