ایران کے قونصل جنرل علی بنفشی خان نے خیبر چیمبر کے وفد کے اراکین کا شکریہ ادا کیا اور کہا کہ یہ ایران کے لیے بہت بڑا اعزاز ہے کہ حالیہ اسرائیلی حملےمیں پاکستان نے ایران کا بھرپور ساتھ دیا۔
ایران کے خلاف صف آراء
انہوں نے کہا کہ یہ انتہائی افسوسناک بات ہے کہ اسلامی دنیا کے کچھ رہنماء ایران کے خلاف صف آرا ہوکر ایران کے خلاف اشتعال انگیز رویّہ اپنائے ہوئے ہیں۔
انہوں نے مزید کہا کہ عام مسلمانوں کے دل ایران کے ساتھ تھے، اور یہ ایران کے لیے قابلِ فخر کاباعث ہے۔
خیبر چیمبر کے وفد نے ایرانی قوم کے ساتھ اظہارِہمدردی کی اور انہیں عظیم الشان اور تاریخی فتح پر مبارکباد دی۔
ایران کا اسرائیل کے خلاف مؤقف
سید جواد حسین کاظمی خیبر چیمبر آف کامرس
انہوں نے کہا کہ ایران نے اسرائیل اور امریکا کے خلاف اپنا موقف مضبوطی و جواں مردی سے پیش کیا اور بہادری سے مقابلہ کیا۔
انہوں نے کہا کہ ایران نے اقوامِ عالم پراضح کردیا کہ اسلام پسند اقوام کیسے ظلم و بربریّت کے خلاف کھڑی ہوتی ہے۔
انہوں نے تجویز پیش کی کہ برادر اسلامی ممالک ایران اور پاکستان کے درمیان دو طرفہ تجارت کو بڑھانے کے لیے اقدامات کیے جائیں۔
دیگر اراکین
وفد میں ایگزیکٹو ممبران کامران رضا، صغیر داد آفریدی، ملک اعجاز آفریدی، محمد ہارون صابر، اعجاز زرین خٹک، شاہزیب خان، علی فیصل، اور ٹرائبل یونین آف جرنلسٹس کے سابق صدر اور سینئر صحافی قاضی فضل اللہ شامل تھے۔
قونصل جنرل کا ردعمل
انہوں نے کہا کہ پاکستان ایران کا برادر اسلامی ملک ہے۔اور اب وقت آ گیا ہے کہ اس بھائی چارے کو مزید مضبوط و مستحکم بنایا جائے۔
انہوں نے مزید کہا کہ ایران نے پاکستانی مصنوعات پر ٹیکس کم کر دیئے ہیں اور امید ظاہر کی ہیکہ پاکستان بھی ایرانی مصنوعات پر ٹیکس میں کمی کرے گا تاکہ دو طرفہ تجارت کو مزید فروغ ملے۔
انہوں نے پشاور میں صنعتی نمائش کے انعقاد میں بھرپور تعاون کا یقین دلایا۔
دونوں برادر و ہمسایہ اسلامی ممالک کی جانب سے تعلقات کو مزید مضبوط،مستکم بنانے اور اقتصادی تعاون کےبڑھانے پر دلچسپی کا اظہار کیاگیا۔
دیکھیں:ایران کشیدگی میں کمی:قطرمیں امریکی بیس پرحملہ کے بعدجنگ بندی کا اعلان