بلوچستان کے ضلع نوشکی اور چاغی میں بدھ کے روز فرنٹیئر کور کے مراکز پر فتنۃ الخوارج کے دہشت گردوں نے کا حملہ، جس کے بعد دہشت گردوں اور سیکیورٹی فورسز کے درمیان فائرنگ کا تبادلہ ہوا۔
تفصیلات کے مطابق بلوچ لبریشن فرنٹ (بی ایل ایف) کے خودکش حملہ آور نے نوشکئی کے علاقے نوکندی میں فرنٹیئر کور کے ہیڈکوارٹر کے مرکزی داخلی دروازے پر اپنے آپ کو دھماکے سے اڑا لیا۔ ذرائع کے مطابق دھماکے کے فوری بعد سکیورٹی فورسز اور حملہ آوروں کے درمیان فائرنگ کا تبادلہ ہوا جو کئی گھنٹوں تک جاری رہا۔ ذرائع کا کہنا ہے کہ مذکورہ حملہ بی ایل ایف کی جانب سے کیا گیا جسے سیکیورٹی فورسز نے بروقت کاروائی کرتے ہوئے ناکام بنا دیا۔ ایس ایس پی چاغی محمد شریف نے گفتگو کرتے ہوئے کہا کہ جوابی کارروائی کے بعد علاقے مین سرچ آپریشن جاری ہے۔
حملے کے بعد علاقے میں سکیورٹی کے مزید سخت انتظامات کردیے گئے ہیں۔ یاد رہے کہ گزشتہ کئی ماہ سے بلوچستان کے مختلف اضلاع میں سیکیورٹی فورسز پر حملوں کا سلسلہ جاری ہے، جس کے نتیجے میں متعدد خوارج ہلاک ہو چکے ہیں۔
چاغی حملے کی بی ایل ایف نے ذمہ داری قبول کرتے ہوئے تنظیم نے دعویٰ کیا ہے کہ اسکی عسکریت پسند خاتون نے چاغی میں فرنٹیئر کور کے ہیڈکوارٹر کے باہر خودکش کار بم حملہ کیا۔ بی ایل ایف کی جانب سے جاری کردہ تصویر میں مبینہ حملہ آور زرینہ رفیق عرف ترانگ ماہو کو دیکھا جاسکتا ہے۔ چاغی حملے کے فوری بعد علاقے میں سرچ آپریشن شروع کردیے گئے ہیں۔