افغان گیس معاہدہ: 40 ارب ڈالر کا دعویٰ بے بنیاد، اصل فنڈنگ محض 200 ملین نکلی

مغربی افغانستان میں سعودی کمپنی کے گیس منصوبے پر سوشل میڈیا دعوے بے بنیاد نکلے۔ ابتدائی سرمایہ کاری 40 ارب کے بجائے صرف 200 ملین ڈالر ہے۔

افغانستان کے کشک۔تیرپل بیسن میں سعودی ڈیلٹا انرجی کے معاہدے پر 40 ارب ڈالر کے دعوے غلط نکلے۔

October 5, 2026

سوشل میڈیا پر مغربی افغانستان میں 40 ارب ڈالر کی سعودی سرمایہ کاری سے متعلق گمراہ کن دعوے کیے جا رہے ہیں۔ سرکاری دستاویزات اور خبر رساں اداروں کے مطابق ان مبالغہ آمیز دعوؤں میں کوئی صداقت نہیں ہے۔

رواں سال ستمبر کے اوائل میں سعودی عرب کی ایک نجی کمپنی ڈیلٹا انٹرنیشنل انرجی نے طالبان کی وزارتِ معادن کے ساتھ شراکت کا معاہدہ کیا۔ یہ 25 سالہ معاہدہ مغربی افغانستان کے کشک۔تیرپل بیسن کے لیے کیا گیا ہے۔

افغان حکام کے مطابق اس منصوبے کے ابتدائی مرحلے کے لیے تقریباً 200 ملین امریکی ڈالر کی سرمایہ کاری مختص کی گئی ہے۔ یہ رقم پہلے آٹھ سالہ تلاشی مرحلے کے دوران خرچ کی جائے گی۔

معاہدے کی شرائط کے تحت اگر گیس کے تجارتی ذخائر دریافت ہوتے ہیں تو اس منصوبے کا حجم بڑھ سکتا ہے۔ اس کے علاوہ گیس پائپ لائن کی تعمیر اور مزید مالی منظوری ملنے پر ہی آئندہ برسوں میں نئی سرمایہ کاری ممکن ہوگی۔

تاہم، یہ نام نہاد دانشور انتہائی مبالغہ آمیز دعویٰ کرتے ہوئے 40 ارب امریکی ڈالر سے زائد کی سعودی سرمایہ کاری کی بات کر رہے ہیں۔

ذرائع کے مطابق 200 ملین ڈالر کے ابتدائی منصوبے کو 40 ارب ڈالر بنا کر پیش کرنا انتہائی غیر ذمہ دارانہ طرزِ عمل ہے۔ عوامی سطح پر بغیر تصدیق کے اس نوعیت کے من گھڑت اعداد و شمار پھیلانا صحافتی اصولوں کے سراسر منافی ہے۔

دیکھیے: ذبیح اللہ مجاہد کا بیان پراپیگنڈا قرار؛ دہشت گردوں کو شہری ظاہر کرنے کے دعوؤں پر تنقید

متعلقہ مضامین

اقوام متحدہ میں پاکستان کے مستقل مندوب سید حیدر شاہ نے دہشتگردی کے خلاف قربانیوں، افغانستان سے حملوں اور عالمی پابندیوں کے نظام کو مؤثر بنانے پر زور دیا۔

November 22, 2026

ٹرمپ نے ایران کے ساتھ ایسا مستقل جوہری معاہدہ کرنے کی خواہش ظاہر کی ہے جسے مستقبل کا کوئی امریکی صدر تبدیل نہ کر سکے۔

November 22, 2026

رانا ثنا اللہ نے نئے صوبوں کے قیام سے متعلق تنازع کے حل کے لیے ملک میں ریفرنڈم کرانے کی تجویز پیش کردی۔

November 22, 2026

بنگلا دیش نے بھارت پر ملک میں بدامنی پھیلانے کا الزام عائد کردیا، عوامی لیگ کو بھارتی پراکسی قرار دینے کا دعویٰ بھی سامنے آگیا۔

November 22, 2026

رائے دیں

Leave a Reply

Your email address will not be published. Required fields are marked *