مستونگ میں سکیورٹی فورسز کی دو بڑی کارروائیاں، 15 دہشت گرد

مستونگ میں سکیورٹی فورسز کی دو کارروائیوں میں 15 دہشت گرد ہلاک، متعدد ٹھکانے تباہ اور اسلحہ و گولہ بارود برآمد کرلیا گیا۔
بلوچستان کے ضلع مستونگ میں دہشت گردوں کے خلاف سکیورٹی فورسز کا آپریشن

بلوچستان کے ضلع مستونگ میں آپریشن ردالفتنہ 3 کے تحت سکیورٹی فورسز نے دو کارروائیوں میں 15 دہشت گرد ہلاک کردیے۔

November 22, 2026

آپریشن ردالفتنہ 3 کے تحت کارروائیوں میں دہشت گردوں کے متعدد ٹھکانے تباہ، اسلحہ اور گولہ بارود بھی برآمد کرلیا گیا۔

بلوچستان کے ضلع مستونگ میں سکیورٹی فورسز نے دو مختلف کارروائیوں کے دوران فتنۃ الہندوستان کے 15 دہشت گردوں کو ہلاک کردیا۔ کارروائیوں میں دہشت گردوں کے متعدد ٹھکانے بھی تباہ کیے گئے۔

سکیورٹی ذرائع کے مطابق بلوچستان میں آپریشن ردالفتنہ 3 کے تحت فتنۃ الہندوستان کے خلاف کارروائیاں جاری ہیں۔ اسی سلسلے میں مستونگ کے مختلف علاقوں میں دو بڑی کارروائیاں کی گئیں۔

ذرائع نے بتایا کہ پہلی کارروائی میں 5 دہشت گرد ہلاک ہوئے، جبکہ ان کے متعدد ٹھکانے تباہ کردیے گئے۔ اس دوران بھاری مقدار میں اسلحہ اور گولہ بارود بھی برآمد کیا گیا۔

دوسری کارروائی میں سکیورٹی فورسز نے مزید 10 دہشت گردوں کو ہلاک کیا۔ اس کارروائی کے دوران بھی اسلحہ اور گولہ بارود برآمد ہوا، جبکہ دہشت گردوں کے متعدد ٹھکانے تباہ کردیے گئے۔

سکیورٹی ذرائع کے مطابق آپریشن کے دوران کلی پسند خان، موسیٰ خان، خراسانی اور کفتاری کے علاقوں کو دہشت گردوں سے مکمل طور پر کلیئر کرالیا گیا۔

وزیراعظم کا سکیورٹی فورسز کو خراج تحسین

وزیراعظم شہباز شریف نے مستونگ میں کارروائیوں کے دوران 15 دہشت گردوں کی ہلاکت پر سکیورٹی فورسز کو خراج تحسین پیش کیا ہے۔

وزیراعظم نے فورسز کی پیشہ ورانہ صلاحیتوں اور جرات کو سراہتے ہوئے کہا کہ دہشت گردی کے مکمل خاتمے کے لیے سکیورٹی فورسز کی قربانیاں اور عزم قابل تحسین ہیں۔ پوری قوم اس جنگ میں اپنی بہادر فورسز کے شانہ بشانہ کھڑی ہے۔

انہوں نے کہا کہ ملک دشمن عناصر کے عزائم کامیاب نہیں ہونے دیے جائیں گے اور بلوچستان سمیت ملک کے ہر حصے سے دہشت گردی کے خاتمے تک کوششیں جاری رہیں گی۔

دیکھیے ؛ خیبرپختونخوا میں مارے گئے 4 دہشت گردوں میں افغان ٹی ٹی پی کمانڈر بھی شامل

متعلقہ مضامین

اقوام متحدہ میں پاکستان کے مستقل مندوب سید حیدر شاہ نے دہشتگردی کے خلاف قربانیوں، افغانستان سے حملوں اور عالمی پابندیوں کے نظام کو مؤثر بنانے پر زور دیا۔

November 22, 2026

ٹرمپ نے ایران کے ساتھ ایسا مستقل جوہری معاہدہ کرنے کی خواہش ظاہر کی ہے جسے مستقبل کا کوئی امریکی صدر تبدیل نہ کر سکے۔

November 22, 2026

رانا ثنا اللہ نے نئے صوبوں کے قیام سے متعلق تنازع کے حل کے لیے ملک میں ریفرنڈم کرانے کی تجویز پیش کردی۔

November 22, 2026

بنگلا دیش نے بھارت پر ملک میں بدامنی پھیلانے کا الزام عائد کردیا، عوامی لیگ کو بھارتی پراکسی قرار دینے کا دعویٰ بھی سامنے آگیا۔

November 22, 2026

رائے دیں

Leave a Reply

Your email address will not be published. Required fields are marked *