یمن فورسز نے حوثیوں کے خلاف بڑے پیمانے پر آپریشن فجرالیمن شروع کرنے کا اعلان کیا ہے۔ ترجمان کے مطابق ذوباب اور باب المندب پر کنٹرول حاصل کر لیا گیا ہے۔
عرب میڈیا کے مطابق باب المندب کے ساحلی علاقے ذوباب کا کنٹرول حوثیوں سے واپس لے لیا گیا ہے۔ حوثیوں کے زیر قبضہ دیگر علاقوں کو واپس لینے کے لیے کارروائی جاری ہے۔ یمنی فوج کے ترجمان نے ذوباب میں موجود حوثی عناصر کو ہتھیار ڈالنے کا مطالبہ کیا ہے۔
سعودی اتحاد کا مؤقف
سعودی اتحاد کا کہنا ہے کہ یمن میں جاری آپریشن میں 100 لڑاکا طیاروں نے حصہ لیا۔ ان طیاروں نے 324 اہم اہداف کو نشانہ بنایا۔
اتحاد کے مطابق آبنائے باب المندب کو فضائی تحفظ فراہم کیا جا رہا ہے۔ زمینی فورسز کو بھی فضائی کور دیا جا رہا ہے۔
حوثیوں کو بھاری نقصان
یمنی حکومتی فورسز کے ترجمان بریگیڈیئر جنرل ماجد عبداللہ النزیلی نے دعویٰ کیا ہے کہ حوثیوں کے ٹھکانوں پر 1122 حملے کیے گئے۔ ان حملوں میں 1747 حوثی ملیشیا اہلکار ہلاک ہوئے۔
ترجمان کے مطابق حملوں میں مورچوں اور کمانڈ اینڈ کنٹرول مراکز کو نشانہ بنایا گیا۔ 364 فوجی گاڑیاں اور سازوسامان تباہ یا ناکارہ بنایا گیا۔
صعدہ، الجوف اور تعز کے علاقوں میں لڑاکا طیاروں، ڈرون اور میزائلوں سے کارروائیاں کی گئیں۔
دیکھیے: پی ٹی آئی مارچ میں سرکاری مشینری کا استعمال، مسلح افراد کی موجودگی کا انکشاف