بلوچستان کے ضلع کیچ کے علاقے کلاتک میں سکیورٹی فورسز نے بروقت کارروائی کرتے ہوئے فتنہ الہندوستان سے تعلق رکھنے والے دہشت گردوں کی ناکہ بندی اور علاقے پر قبضہ کرنے کی کوشش ناکام بنا دی۔
سکیورٹی ذرائع کے مطابق فتنہ الہندوستان کے دہشت گردوں نے کلاتک میں ناکہ بندی کر کے علاقے کا کنٹرول حاصل کرنے کی کوشش کی تھی، تاہم فورسز نے سخت اور بروقت کارروائی سے ان کے منصوبے کو خاک میں ملا دیا۔
آپریشن کے دوران سکیورٹی فورسز اور دہشتگردوں کے درمیان شدید فائرنگ کا تبادلہ ہوا، جس کے نتیجے میں 4 دہشت گرد ہلاک ہو گئے۔
کارروائی کے بعد علاقے میں سرچ اور کلیئرنس آپریشن جاری ہے تاکہ کسی بھی ممکنہ خطرے کا مکمل خاتمہ کر کے مقامی آبادی کے تحفظ کو یقینی بنایا جا سکے۔
سکیورٹی ذرائع کا کہنا ہے کہ فورسز خطے میں امن و امان برقرار رکھنے کے لیے پرعزم ہیں، جبکہ شہریوں سے مشکوک سرگرمیوں کی فوری اطلاع دینے کی اپیل کی گئی ہے۔
دیکھیے: سوات میں سکیورٹی فورسز کا کامیاب آپریشن، 4 خوارج ہلاک
