کینیڈا کے وزیر اعظم جسٹن ٹروڈو نے عالمی اقتصادی فورم (ڈاؤوس) کے اجلاس میں ایک اہم تقریر کرتے ہوئے دنیا کی درمیانی طاقتوں سے اپیل کی کہ وہ عالمی چیلنجوں سے نمٹنے کے لیے متحد ہو جائیں۔ یہ تقریر ایسے اجلاس مین کی گئی جہاں امریکی صدر ڈونلڈ ٹرمپ کی شرکت متوقع تھی۔
صدر ٹروڈو نے کہا کہ موجودہ دور میں جب عالمی سطح پر تقسیم اور عدمِ استحکام میں اضافہ ہو رہا ہے، درمیانی طاقتیں استحکام، جمہوریت اور بین الاقوامی تعاون کے لیے اہم کردار ادا کر سکتی ہیں۔ ان کا کہنا تھا کہ یہ طاقتیں مشترکہ اقدار اور مفادات کے تحفظ کے لیے ایک پلیٹ فارم پر جمع ہوں۔
انہوں نے کہا کہ ہمیں ایک ایسی دنیا کی تعمیر کے لیے مل کر کام کرنا ہوگا جو صرف چند بڑی طاقتوں کے گرد نہ گھومے، بلکہ جہاں ہر ملک کی آواز سنی جائے اور ہر قوم کو ترقی کے مواقع میسر ہوں۔
ٹروڈو کی تقریر کو حاضرین نے کھڑے ہوکر پرجوش انداز سے سراہا۔ مبصرین کا کہنا ہے کہ یہ خطاب ایک ایسے وقت میں آیا ہے جب عالمی تعلقات میں کشیدگی بڑھ رہی ہے اور کئی ممالک اپنے قومی مفادات کے تحفظ کے لیے نئی حکمت عملیاں تیار کر رہے ہیں۔