قندھار بمقابلہ کابل، ہیبت اللہ اور سراج الدین حقانی قیادت کے اندرونی اختلافات بے نقاب

طالبان کے اقتدار کا اصل بادشاہ کون؟

طالبان حکومت میں ہبت اللہ اخوندزادہ اور سراج الدین حقانی کے طاقتور حلقوں کے درمیان اقتدار کی تقسیم، عسکری کمان اور مالی وسائل کی کشمکش کیا ہے؟

خلیج میں کشیدگی، بحرین اور کویت نے ایرانی ڈرون حملے ناکام بنا دیے

بحرین نے ایرانی فضائی حملے روکنے کا دعویٰ کیا ہے، جبکہ کویت نے بھی اپنے فضائی دفاعی نظام کے ذریعے مشتبہ ڈرون حملوں کا مقابلہ کرنے کی تصدیق کی ہے۔
خلیج میں کشیدگی، بحرین اور کویت نے ایرانی ڈرون حملے ناکام بنا دیے

بحرین میں ایرانی فضائی حملوں کا دعویٰ، دفاعی نظام نے متعدد ڈرون روک لیے۔ کویت نے بھی مشتبہ ڈرون حملوں کا مقابلہ کرنے کی تصدیق کردی۔

November 18, 2026

بحرین نے دعویٰ کیا ہے کہ اس کے فضائی دفاعی نظام نے ایران کی جانب سے کیے گئے فضائی حملوں کو ناکام بنا دیا ہے، جبکہ کویت نے بھی اپنے فضائی دفاعی نظام کے ذریعے مشتبہ ڈرون حملوں کا مقابلہ کرنے کی تصدیق کی ہے۔

خبر رساں ادارے رائٹرز کے مطابق بحرین کی دفاعی افواج نے اپنے بیان میں ایران پر ملک کو مسلسل نشانہ بنانے اور دشمنانہ طرزِ عمل اختیار کرنے کا الزام عائد کیا ہے۔ بحرینی حکام کا کہنا ہے کہ ایران کا رویہ منظم اور مسلسل دشمنی پر مبنی ہے۔

بحرین کی وزارت داخلہ نے بدھ کے روز شہریوں اور رہائشیوں کے لیے دو مرتبہ ہنگامی انتباہ جاری کیا۔ دونوں مواقع پر لوگوں کو قریبی محفوظ مقامات پر منتقل ہونے کی ہدایت کی گئی۔

وزارت داخلہ نے بعد ازاں خطرہ ٹلنے کا اعلان کرتے ہوئے شہریوں کو معمول کی سرگرمیاں بحال کرنے کی اجازت دے دی۔

ڈرون حملے ناکام بنانے کا دعویٰ

دوسری جانب کویتی فوج نے بتایا کہ بدھ کی صبح ملک کے فضائی دفاعی نظام نے مشتبہ دشمن ڈرون حملوں کا مقابلہ کیا۔

تاہم فوج نے ڈرونز کی تعداد، ممکنہ اہداف یا کسی جانی و مالی نقصان کے بارے میں تفصیلات جاری نہیں کیں۔

بحرین میں امریکی بحریہ کا پانچواں بیڑا بھی موجود ہے، جس کے باعث یہ ملک خطے میں امریکی فوجی سرگرمیوں کے لیے اہم حیثیت رکھتا ہے۔

بحرین اور کویت میں فضائی دفاعی کارروائیاں ایسے وقت میں سامنے آئی ہیں جب خلیجی خطے میں ایران اور امریکا کے درمیان کشیدگی برقرار ہے۔ تاہم دونوں ممالک میں حملوں کی مکمل تفصیلات اور ممکنہ نقصانات کی آزادانہ تصدیق سامنے نہیں آئی۔

دیکھیے: بہاریوں کی دردناک داستان کیا ہے؟

متعلقہ مضامین

افغانستان میں طالبان مخالف مسلح گروہوں کی کارروائیاں بڑھ گئیں، اے سی ایل ای ڈی کے مطابق رواں سال جھڑپوں میں دوگنا اضافہ ہوا۔

November 18, 2026

سعید غنی نے بلاول بھٹو کے خونریزی والے بیان کا دفاع کرتے ہوئے نئے صوبوں کے مطالبے اور ایم کیو ایم کو تنقید کا نشانہ بنایا۔

November 18, 2026

حافظ نعیم الرحمان نے پیپلز پارٹی پر لسانی سیاست کا الزام عائد کرتے ہوئے بلاول بھٹو سے کراچی کی سات نشستوں کے فارم 45 دکھانے کا مطالبہ کر دیا۔

November 18, 2026

ملکی تاریخ کا سب سے بڑا 15 ہزار میٹرک ٹن ایل پی جی کارگو پورٹ قاسم پہنچ گیا، حکام نے قیمتوں میں کمی اور موسم سرما میں فراہمی بہتر ہونے کی امید ظاہر کردی۔

November 18, 2026

رائے دیں

Leave a Reply

Your email address will not be published. Required fields are marked *