خیبر پختونخوا کے علاقہ شاکاس میں اے این ایف (اینٹی نارکوٹکس فورس) نے کارروائی کرتے ہوئے 144 کلوگرام چرس ضبط کر لی۔ کارروائی خفیہ اطلاعات کی بنیاد پر کی گئی ہے جسکے نتیجے میں 144 کلوگرام منشیات شاکاس ضلع جمرود سے برآمد ہوئی۔
ذرائع کے مطابق ضبط کی گئی چرس کو پنجاب بھیجنی جارہی تھی۔ کہا یہ جارہا ہے کہ ان منشیات کے پیچھے برا کے مشہور اسمگلر ہیں جو آفریدی قبیلے سے تعلق رکھتے ہیں۔ نیز اس اسمگلر گروہ کے خیبر پختونخوا کے سیاسی شخصیات سے بھی روابط بھی بتائے جارہے ہیں۔
کارروائی کے دوران اینٹی نارکوٹکس فورس کی ٹیم نے چار بڑے پرافیلین بیگ ضبط کیے، جن میں کل 120 پیکٹ چرس تھی۔ اور ہر پیکٹ کا وزن تقریباً 1.2 کلوگرام ریکارڈ کیا گیا۔
ذرائع کے مطابق اینٹی نارکوٹکس فورس نے مقدمہ درج کر لیا ہے اور اس نیٹ ورک کو مکمل طور پر بے نقاب کرنے کے لیے تفتیش جاری ہے۔ اینٹی نارکوٹکس فورس کے ترجمان کے مطابق یہ کاروائی خیبرپختونخوا سمیت پورے ملک کو منشیات سے پاک کرنا ہے۔
دیکھیں: خیبر پختونخوا کی نئی صوبائی کابینہ کا اعلان، اراکین آج حلف اٹھائیں گے