ْبھارتی ذرائع ابلاغ نے رپورٹ کیا ہے کہ اسلامی امارت افغانستان نے نور احمد نور کو نئی دہلی میں افغانستان کے سفارت خانے کا ناظم الامور مقرر کر دیا ہے۔
رپورٹس کے مطابق نور احمد نور، جو اس سے قبل افغان وزارتِ خارجہ میں پہلے سیاسی ڈائریکٹر کے طور پر خدمات انجام دے چکے ہیں، نئی دہلی پہنچ چکے ہیں اور سفارتی ذمہ داریاں سنبھالنے کے لیے متعارف کرا دیے گئے ہیں۔
یہ پیش رفت ایسے وقت میں سامنے آئی ہے جب اس سے قبل بھارتی وزیرِ خارجہ ایس جے شنکر اور اسلامی امارت کے وزیرِ خارجہ امیر خان متقی کے درمیان ملاقات کے دوران نئی دہلی میں افغان سفارت خانے کے لیے اسلامی امارت کے سفارت کاروں کو قبول کرنے پر اتفاق کیا گیا تھا۔
سیاسی مبصرین کے مطابق نور احمد نور کی بطور ناظم الامور تعیناتی کو بھارت اور افغانستان کے درمیان سفارتی روابط میں ایک اہم پیش رفت قرار دیا جا رہا ہے، جس سے دونوں ممالک کے درمیان رابطوں اور تعاون کے نئے امکانات پیدا ہو سکتے ہیں۔
دیکھیں: طالبان کی جانب سے عوامی مظاہروں پر تشدد کے مبینہ واقعات؛ اے ایف ایف کی شدید مذمت