شمالی وزیرستان کی تحصیل میرانشاہ کے علاقے تپی بنگش خیل میں فتنہ الخوارج نے مسجد پر کواڈ کاپٹر سے بزدلانہ حملہ کیا ہے۔ اس دہشت گردانہ کارروائی میں حکیم نامی ایک مقامی شہری جاں بحق ہو گیا ہے۔
ذرائع کے مطابق فتنہ الخوارج نے ڈرون ٹیکنالوجی کا استعمال کرتے ہوئے مقدس مقام کو نشانہ بنایا۔ واقعے کے فوراً بعد مقامی لوگوں اور سکیورٹی اہلکاروں نے موقع پر پہنچ کر امدادی کارروائیاں شروع کر دیں۔
سکیورٹی فورسز نے علاقے کو حصار میں لے کر سرچ آپریشن کا آغاز کر دیا ہے۔ عباد گاہ پر حملے کی اس نازیبا حرکت کو خوارج کے انسانیت دشمن اور اسلام مخالف چہرے کی ایک اور مثال قرار دیا جا رہا ہے۔
دیکھیے: بلوچستان میں سکیورٹی فورسز کی کارروائی، 4 دہشت گرد ہلاک
