افغانستان کے مشرقی صوبے نورستان میں طالبان حکومت کے خلاف مسلح مزاحمت نے ایک بار پھر زور پکڑ لیا ہے۔ افغان فریڈم فرنٹ کے کمانڈوز نے ضلع کامدیش میں طالبان فورسز پر کاری ضرب لگائی ہے۔
افغان فریڈم فرنٹ کے ترجمان نصرت اللہ فاتح نے مزاحمتی کارروائی کی تصدیق کی ہے۔ ان کے مطابق مزاحمت کار کمانڈوز نے صبح کے وقت طالبان کے ٹھکانوں پر بھرپور حملہ کیا۔
ترجمان کا کہنا ہے کہ کامدیش کے پہاڑی علاقے میں صورتحال انتہائی کشیدہ ہے۔ فرنٹ کے جنگجوؤں نے طالبان دستوں کو سخت مزاحمت دکھاتے ہوئے شدید نقصان پہنچانے کا دعویٰ کیا ہے۔
علاقے میں فائرنگ کے شدید تبادلے کے بعد طالبان کی پیش قدمی رک گئی ہے۔ آزاد ذرائع نے تصدیق کی ہے کہ نورستان کے اس اہم ضلع میں مزاحمتی قوتوں کی پوزیشن مضبوط ہو رہی ہے۔
طالبان حکام اس غیر متوقع مزاحمتی کارروائی پر تاحال خاموش ہیں، جبکہ علاقے میں کشیدگی برقرار ہے۔
دیکھیے: پکتیکا فضائی حملے: حافظ گل بہادر گروپ نشانہ بنا، مقامی شہری کا دعویٰ