بلوچستان کے ضلع پنجگور میں سکیورٹی فورسز نے انٹیلی جنس بیسڈ آپریشن کے دوران کالعدم بی ایل اے کے اہم اور خطرناک دہشت گرد سلمان بنگلزئی کو ہلاک کر دیا ہے۔
سکیورٹی حکام کے مطابق ہلاک دہشت گرد سلمان بنگلزئی کا نام حکومت کی مطولبہ فہرست میں شامل تھا اور وہ فورسز کو انتہائی مطلوب تھا۔ ملزم معصوم شہریوں اور بالخصوص مزدوروں کی ٹارگٹ کلنگ، بھتہ خوری اور اغوا برائے تاوان جیسی سنگین وارداتوں میں ملوث تھا۔
ترجمان کے مطابق سلمان بنگلزئی شاہراہوں پر غیر قانونی ناکہ بندی، تجارتی ٹرکوں اور دیگر گاڑیوں کو نذرِ آتش کرنے کی متعدد دہشت گردانہ کارروائیوں کا ماسٹر مائنڈ بھی تھا۔
سکیورٹی حکام نے اس آپریشن کو بلوچستان میں امن و امان کی بحالی اور دہشت گردی کے خاتمے کی کوششوں میں ایک انتہائی اہم اور بڑی پیش رفت قرار دیا ہے۔
دیکھیے: ہنگو میں پولیس پر بزدلانہ حملہ کرنے والے خوارج کا پراپیگنڈا بے نقاب
