بلوچستان کے ضلع قلات میں سکیورٹی فورسز نے کارروائی کرتے ہوئے 12 دہشت گردوں کو ہلاک کردیا۔ آئی ایس پی آر کے مطابق کارروائی کے دوران دہشت گردوں کے ٹھکانے کا سراغ لگایا گیا۔ اس کے بعد فورسز نے وہاں کارروائی کی۔
آئی ایس پی آر کے مطابق ہلاک ہونے والے دہشت گردوں کا تعلق فتنہ الہندوستان سے تھا۔ اسی طرح ضلع کچھی کے علاقے بھاگ میں بھی سکیورٹی فورسز نے بروقت کارروائی کی۔
آئی ایس پی آر کے مطابق فورسز نے دہشت گردوں کا حملہ ناکام بنا دیا۔ کارروائی کے دوران متعدد دہشت گرد ہلاک ہوئے۔
دہشت گردوں کے ٹھکانے سے بڑی مقدار میں اسلحہ اور گولہ بارود برآمد کیا گیا۔ اس کے علاوہ ٹھکانے پر موجود آئی ای ڈیز اور گولہ بارود بھی موقع پر تباہ کردیا گیا۔
کلیئرنس آپریشن جاری
آئی ایس پی آر کے مطابق علاقے میں کلیئرنس آپریشن جاری ہے۔ سکیورٹی فورسز ممکنہ دہشت گردوں کی تلاش میں مصروف ہیں۔
فوج کے مطابق دہشت گردی کے خلاف کارروائیاں جاری رہیں گی۔ سکیورٹی فورسز اور قانون نافذ کرنے والے ادارے دہشت گردی کے خاتمے کے لیے پُرعزم ہیں۔
آئی ایس پی آر نے کہا کہ عزمِ استحکام کے تحت دہشت گردی کے خلاف کارروائیوں کا سلسلہ جاری رکھا جائے گا۔
دیکھیے: زیارت کراس میں اسسٹنٹ کمشنر کے اسکواڈ پر حملہ، 11 دہشتگرد ہلاک