افغانستان کے شمالی صوبے سرپل میں نامعلوم مسلح افراد کے ایک حملے میں طالبان کے انٹیلی جنس شعبہ 08 کے سربراہ اور ان کے ساتھی اہلکار ہلاک ہو گئے ہیں۔
رپورٹ کے مطابق یہ کارروائی سرپل شہر میں پیش آئی، جہاں نامعلوم حملہ آوروں نے طالبان کے اہم حکام کو نشانہ بنایا۔
حملے کے نتیجے میں طالبان کے انٹیلی جنس شعبہ 08 کے سربراہ مولوی امراللہ سلطانی اور 209ویں قولِ اردو سے وابستہ اہلکار راز محمد موقع پر ہی ہلاک ہو گئے۔
تجزیہ کاروں کے مطابق سرپل میں ہونے والی یہ کارروائی افغانستان کے مختلف صوبوں میں ابھرتی ہوئی نئی مسلح مزاحمت کا ہی ایک سلسلہ معلوم ہوتی ہے۔
حالیہ دنوں میں بدخشان، نیمروز، زیبک اور پنجشیر جیسے علاقوں میں طالبان مخالف سرگرمیوں اور حملوں میں نمایاں اضافہ دیکھا جا رہا ہے، اور سرپل کا یہ واقعہ اسی سلسلے کی ایک اہم کڑی ہے۔
دیکھیے: بدخشاں میں اطلاعات و ثقافت کے سربراہ ذبیح اللہ امیری مسلح حملے میں ہلاک
