پی ٹی آئی مارچ: پشاور کے تاجر سڑکوں پر، صوبائی حکومت کے خلاف شدید نعرے بازی

پی ٹی آئی لانگ مارچ اور راستوں کی بندش پر پشاور کے تاجر سڑکوں پر نکل آئے؛ ٹائر جلا کر خیبر روڈ بند کر دیا اور کاروبار کی تباہی پر شدید احتجاج کیا۔
پی ٹی آئی لانگ مارچ احتجاج

پی ٹی آئی لانگ مارچ اور راستوں کی بندش کے خلاف پشاور کے تاجروں کا احتجاج، خیبر روڈ بند کر کے حکومت مخالف نعرے بازی۔

October 5, 2026

پی ٹی آئی کے لانگ مارچ اور راستوں کی بندش کے خلاف تاجر برادری نے پیر کے روز صوبائی دارالحکومت میں شدید احتجاج کیا۔ تاجروں نے خیبر پختونخوا حکومت کے خلاف نعرے لگائے اور سڑکوں پر ٹائر جلا کر ٹریفک معطل کر دی۔

احتجاج اسمبلی چوک اور خیبر روڈ پر کیا گیا، جہاں مشتعل مظاہرین نے کالے جھنڈے اٹھا رکھے تھے۔ ٹائر جلانے اور دھرنے کے باعث خیبر روڈ پر گاڑیوں کی طویل قطاریں لگ گئیں، جس سے شہریوں کو آمدورفت میں شدید مشکلات کا سامنا کرنا پڑا۔ اس مظاہرے میں تاجر وفود کے علاوہ مختلف مکاتب فکر اور اقلیتی برادری کے افراد نے بھی شرکت کی۔

اربوں کا کاروبار بند

مظاہرین کا کہنا تھا کہ خیبر پختونخوا کا پنجاب کے ساتھ روزانہ اربوں روپے کا تجارتی لین دین ہوتا ہے۔ راستے بند ہونے سے ترسیل رک گئی ہے اور کاروبار مکمل تباہی کے دہانے پر پہنچ چکا ہے۔ مظاہرین کے مطابق، سیاسی مارچ کے باعث تاجر برادری کو بھاری مالی نقصان برداشت کرنا پڑ رہا ہے۔

صوبائی قیادت پر تنقید

تاجر رہنماؤں نے الزام عائد کیا کہ موجودہ صوبائی حکومت عوامی اور معاشی مسائل حل کرنے میں بری طرح ناکام رہی ہے۔ صوبے میں مہنگائی اور بے روزگاری تاریخ کی بلند ترین سطح پر پہنچ چکی ہے۔ انہوں نے شکوہ کیا کہ اراکین اسمبلی صرف سیاسی مارچ اور پاور شو میں مصروف ہیں، جبکہ عوام اور تاجروں کے مسائل کو یکسر نظر انداز کر دیا گیا ہے۔

دیکھیے: پی ٹی آئی مارچ میں سرکاری مشینری کا استعمال، مسلح افراد کی موجودگی کا انکشاف

متعلقہ مضامین

اقوام متحدہ میں پاکستان کے مستقل مندوب سید حیدر شاہ نے دہشتگردی کے خلاف قربانیوں، افغانستان سے حملوں اور عالمی پابندیوں کے نظام کو مؤثر بنانے پر زور دیا۔

November 22, 2026

ٹرمپ نے ایران کے ساتھ ایسا مستقل جوہری معاہدہ کرنے کی خواہش ظاہر کی ہے جسے مستقبل کا کوئی امریکی صدر تبدیل نہ کر سکے۔

November 22, 2026

رانا ثنا اللہ نے نئے صوبوں کے قیام سے متعلق تنازع کے حل کے لیے ملک میں ریفرنڈم کرانے کی تجویز پیش کردی۔

November 22, 2026

بنگلا دیش نے بھارت پر ملک میں بدامنی پھیلانے کا الزام عائد کردیا، عوامی لیگ کو بھارتی پراکسی قرار دینے کا دعویٰ بھی سامنے آگیا۔

November 22, 2026

رائے دیں

Leave a Reply

Your email address will not be published. Required fields are marked *