امریکی صدر ڈونلڈ ٹرمپ نے ایران پر امریکا کے ساتھ معاہدہ کرنے کے لیے دباؤ بڑھاتے ہوئے کہا ہے کہ تہران کے پاس معاہدے کے سوا کوئی دوسرا راستہ نہیں بچا۔
ڈونلڈ ٹرمپ کا کہنا تھا کہ امریکا ایران کے معاملے کو زیادہ دیر تک طول نہیں دینا چاہتا اور یہ تنازع جلد کسی نہ کسی صورت میں اپنے انجام کو پہنچ جائے گا۔
امریکی صدر نے کہا کہ ایران کو امریکا کے ساتھ معاہدہ کرنا ہوگا، بصورت دیگر واشنگٹن خود اس معاملے کو جلد نمٹا دے گا۔
ان کے مطابق امریکا اور اسرائیل کی ایران کے خلاف جاری جنگ بھی زیادہ عرصے تک نہیں چلے گی اور اسے جلد ختم ہونا چاہیے۔
ٹرمپ نے مزید کہا کہ وہ انسانی جانوں کا ضیاع روکنے اور لوگوں کی زندگیاں بچانے کی کوشش کر رہے ہیں، تاہم ایک وقت ایسا بھی آسکتا ہے جب سخت فوجی کارروائی ناگزیر ہو جائے۔
امریکی صدر کے بیان میں ایک طرف ایران پر معاہدے کے لیے دباؤ اور دوسری جانب فوجی کارروائی کا عندیہ دیا گیا ہے۔
