اسلام آباد کچہری اور وانا حملہ: عالمی برادری کی شدید مذمت، پاکستان سے اظہارِ یکجہتی

یاد رہے کہ آج دوپہر اسلام آباد میں ایک خودکش حملے میں 12 افراد شہید ہو گئے تھے جبکہ کل شام کیڈٹ کالج وانا پر حملے کی ناکام کوشش کی گئی تھی۔
اسلام آباد کچہری اور وانا حملہ: عالمی برادری کی شدید مذمت، پاکستان سے اظہارِ یکجہتی

تمام ممالک نے اس بات پر زور دیا کہ دہشت گردی کا کوئی مذہب یا قوم نہیں، اور عالمی امن کے لیے اس ناسور کا خاتمہ ضروری ہے۔ پاکستان کو دہشت گردی کے خلاف جاری جدوجہد میں تنہا نہیں چھوڑا جائے گا۔

November 11, 2025

آج دوپہر اسلام آباد ضلعی کچہری میں ہونے والے خودکش حملے اور گزشتہ روز وانا کیڈٹ کالج میں ہونے والے دہشت گرد حملے کی عالمی سطح پر شدید مذمت کی جا رہی ہے۔ دنیا کے مختلف ممالک نے اپنے سرکاری بیانات میں نہ صرف جاں بحق افراد کے لواحقین سے تعزیت کا اظہار کیا ہے بلکہ پاکستان کے ساتھ دہشت گردی کے خلاف جنگ میں مکمل تعاون کی یقین دہانی بھی کرائی ہے۔

یاد رہے کہ آج دوپہر اسلام آباد میں ایک خودکش حملے میں 12 افراد شہید ہو گئے تھے جبکہ کل شام کیڈٹ کالج وانا پر حملے کی ناکام کوشش کی گئی تھی۔

قطر کی مذمت اور تعاون کی پیشکش


قطر کی وزارتِ خارجہ نے اپنے بیان میں اسلام آباد کچہری حملے اور وانا کیڈٹ کالج دہشت گرد حملے کی شدید مذمت کرتے ہوئے اسے انسانی اقدار اور اسلامی اصولوں کے منافی قرار دیا۔

قطری حکومت نے دہشت گردی کے تمام مظاہر کے خلاف پاکستان کے ساتھ مکمل یکجہتی کا اظہار کیا اور متاثرہ خاندانوں سے دلی ہمدردی کا اظہار کیا۔

امریکہ کا پاکستان کے ساتھ کھڑا ہونے کا عزم


امریکی محکمہ خارجہ کے ترجمان نے کہا کہ امریکہ دہشت گردی کے خلاف پاکستان کے عوام اور حکومت کے ساتھ کھڑا ہے۔

بیان میں کہا گیا کہ ایسے حملے پاکستان کے امن اور استحکام کو نشانہ بنانے کی کوشش ہیں، تاہم امریکہ دہشت گردی کے خاتمے کے لیے اسلام آباد کے ساتھ بھرپور تعاون جاری رکھے گا۔

چین کی طرف سے یکجہتی کا پیغام


چینی وزارتِ خارجہ نے حملوں کی شدید مذمت کرتے ہوئے کہا کہ چین ہر صورت میں پاکستان کے ساتھ ہے۔

بیجنگ نے کہا کہ پاکستان کی قربانیاں دہشت گردی کے خلاف عالمی جنگ میں قابلِ تعریف ہیں، اور چین پاکستان کے امن و استحکام کے لیے اپنے تعاون کو مزید مضبوط کرے گا۔

سعودی عرب کا اظہار افسوس

سعودی عرب نے بھی اپنے بیان میں اسلام آباد حملے کی شدید مذمت کی ہے۔بیان میں کہا گہا کہ مملکت سعودی عرب اس مشکل وقت میں پاکستان کے شانہ بشانہ کھڑی ہے۔

آسٹریلیا کی تشویش اور تعزیت


آسٹریلوی دفترِ خارجہ نے ایک بیان میں کہا کہ وہ اسلام آباد حملے پر گہری تشویش کا اظہار کرتا ہے۔ آسٹریلیا نے کہا کہ وہ پاکستان کے عوام کے ساتھ غم کی اس گھڑی میں شریک ہے اور دہشت گردی کے خاتمے کے لیے بین الاقوامی کوششوں میں پاکستان کے کردار کو سراہتا ہے۔

افغانستان کی بھی مذمت

افغانستان کی وزارت خارجہ نے بھی گزشتہ روز وانا کیڈٹ کالج اور آج دوپہر اسلام آباد کچہری میں ہونے والے حملوں کی مذمت کی ہے۔ وزارتِ خارجہ نے دونوں حملوں میں ہونے والے جانی و مالی نقصانات پر اظہار افسوس کیا ہے۔

ایران کا اظہار افسوس

ایرانی سفیر رضا امیری مقدم نے اپنے تفصیلی بیان میں اسلام آباد حملے پر شدید افسوس کا اظہار کیا ہے۔ انہوں ے یقین دہانی کروائی کہ اس ایران ہر مشکل گھڑی میں پاکستان کے ساتھ کھڑا ہے۔

برطانیہ کی شدید مذمت


برطانوی ہائی کمیشن اسلام آباد نے اپنے بیان میں کہا کہ ایسے حملے ناقابلِ قبول ہیں۔ برطانیہ نے پاکستان میں امن و استحکام کی حمایت جاری رکھنے اور دہشت گردی کے خلاف ہر ممکن تعاون کی یقین دہانی کرائی۔

یورپی یونین کا پاکستان سے اظہارِ یکجہتی


یورپی یونین کے خارجہ امور کے دفتر نے اپنے اعلامیے میں کہا کہ یورپی یونین پاکستان کے عوام کے ساتھ یکجہتی کا اظہار کرتی ہے۔

بیان میں کہا گیا کہ دہشت گردی ایک عالمی چیلنج ہے اور اسے مشترکہ کاوشوں سے ہی ختم کیا جا سکتا ہے۔

تمام ممالک نے اس بات پر زور دیا کہ دہشت گردی کا کوئی مذہب یا قوم نہیں، اور عالمی امن کے لیے اس ناسور کا خاتمہ ضروری ہے۔ پاکستان کو دہشت گردی کے خلاف جاری جدوجہد میں تنہا نہیں چھوڑا جائے گا۔

دیکھیں: سیکیورٹی فورسز نے وانا کیڈٹ کالج میں خودکش حملہ ناکام بنا دیا، تمام حملہ آور ہلاک

متعلقہ مضامین

اقوام متحدہ میں پاکستان کے مستقل مندوب سید حیدر شاہ نے دہشتگردی کے خلاف قربانیوں، افغانستان سے حملوں اور عالمی پابندیوں کے نظام کو مؤثر بنانے پر زور دیا۔

November 22, 2026

ٹرمپ نے ایران کے ساتھ ایسا مستقل جوہری معاہدہ کرنے کی خواہش ظاہر کی ہے جسے مستقبل کا کوئی امریکی صدر تبدیل نہ کر سکے۔

November 22, 2026

رانا ثنا اللہ نے نئے صوبوں کے قیام سے متعلق تنازع کے حل کے لیے ملک میں ریفرنڈم کرانے کی تجویز پیش کردی۔

November 22, 2026

بنگلا دیش نے بھارت پر ملک میں بدامنی پھیلانے کا الزام عائد کردیا، عوامی لیگ کو بھارتی پراکسی قرار دینے کا دعویٰ بھی سامنے آگیا۔

November 22, 2026

رائے دیں

Leave a Reply

Your email address will not be published. Required fields are marked *