قومی اسمبلی میں 27ویں آئینی ترمیم دو تہائی اکثریت سے منظور کر لی گئی

سیاسی مبصرین کے مطابق، 27ویں آئینی ترمیم کی منظوری کے بعد پارلیمانی سیاست اور جماعتی نظم و ضبط، آرمی قوانین اور عدالتی اختیارات کے حوالے سے ایک نیا باب کھل گیا ہے، جس کے آئندہ اثرات ملکی سیاست پر دور رس ہوں گے۔
قومی اسمبلی میں 27ویں آئینی ترمیم دو تہائی اکثریت سے منظور کر لی گئی

بل اب وزیراعظم کی منظوری کے بعد صدر مملکت کے پاس جائے گا اور ان کے دستخط ہوتے ہی بل آئین پاکستان کا حصہ بن جائے گا۔

November 12, 2025

قومی اسمبلی کے اجلاس میں 27ویں آئینی ترمیم دو تہائی اکثریت سے منظور کرلی گئی۔ اجلاس کے دوران اسپیکر کی زیر صدارت ووٹنگ ہوئی جس میں 231 ارکان اسمبلی نے بل کے حق میں ووٹ دیا جبکہ مخالفت میں صرف 4 ووٹ پڑے۔

تفصیلات کے مطابق، جمعیت علمائے اسلام (ف) کے ارکان نے بل کی مخالفت میں ووٹ دیا جبکہ پاکستان تحریک انصاف کے اراکین اسپیکر ڈائس کے سامنے احتجاجاً بیٹھے رہے اور ووٹنگ میں حصہ نہیں لیا۔

ترمیمی بل کے تحت آئین کے آرٹیکل 17 میں تبدیلی کی گئی ہے، جس کے مطابق کسی سیاسی جماعت کو کالعدم قرار دینے کے لیے اب سپریم کورٹ کے بجائے “آئینی عدالت” سے ریفرنس بھیج کر منظوری لی جائے گی۔

اس کے علاوہ عدالتی و عسکری اصلاحات اور دیگر تمام شقوں کو بھی منظور کر لیا گیا۔ بل اب وزیراعظم کی منظوری کے بعد صدر مملکت کے پاس جائے گا اور ان کے دستخط ہوتے ہی بل آئین پاکستان کا حصہ بن جائے گا۔

ذرائع کے مطابق، حکومت کا کہنا ہے کہ یہ ترمیم سیاسی جماعتوں کے ضابطہ کار کو آئینی فریم ورک کے اندر لانے کے لیے ناگزیر تھی، جبکہ حزبِ اختلاف کی بعض جماعتوں نے اس پر شکوک و شبہات کا اظہار کیا ہے۔

سیاسی مبصرین کے مطابق، 27ویں آئینی ترمیم کی منظوری کے بعد پارلیمانی سیاست اور جماعتی نظم و ضبط، آرمی قوانین اور عدالتی اختیارات کے حوالے سے ایک نیا باب کھل گیا ہے، جس کے آئندہ اثرات ملکی سیاست پر دور رس ہوں گے۔

دیکھیں: ستائیسویں آئینی ترمیم سینیٹ میں دو تہائی اکثریت سے منظور، مخالفت میں کوئی ووٹ نہیں آیا

متعلقہ مضامین

اقوام متحدہ میں پاکستان کے مستقل مندوب سید حیدر شاہ نے دہشتگردی کے خلاف قربانیوں، افغانستان سے حملوں اور عالمی پابندیوں کے نظام کو مؤثر بنانے پر زور دیا۔

November 22, 2026

ٹرمپ نے ایران کے ساتھ ایسا مستقل جوہری معاہدہ کرنے کی خواہش ظاہر کی ہے جسے مستقبل کا کوئی امریکی صدر تبدیل نہ کر سکے۔

November 22, 2026

رانا ثنا اللہ نے نئے صوبوں کے قیام سے متعلق تنازع کے حل کے لیے ملک میں ریفرنڈم کرانے کی تجویز پیش کردی۔

November 22, 2026

بنگلا دیش نے بھارت پر ملک میں بدامنی پھیلانے کا الزام عائد کردیا، عوامی لیگ کو بھارتی پراکسی قرار دینے کا دعویٰ بھی سامنے آگیا۔

November 22, 2026

رائے دیں

Leave a Reply

Your email address will not be published. Required fields are marked *