وزارتِ اطلاعات و نشریات نے افغان طالبان کے سرحدی علاقوں میں مبینہ ڈرون کاروائیوں کے دعوؤں کو بے بنیاد قرار دیتے ہوئے کہا ہے کہ پاکستانی فضائی حدود میں داخل ہونے والے افغان ڈرون کو پاک فضائیہ نے فوری طور پر ناکارہ بنا دیا۔
وزیراعظم شہباز شریف نے قومی اسمبلی میں کہا ہے کہ ایران امریکہ معاہدے میں پاکستان کا ثالثی کردار تاریخی اہمیت رکھتا ہے، جس کے بعد خطے میں کشیدگی میں کمی اور معاشی اشاریوں میں بہتری دیکھنے میں آ رہی ہے۔
روسی وزارتِ خارجہ کی ترجمان ماریا زاخارووا نے افغانستان میں برطانوی اسپیشل فورسز کے ہاتھوں شہریوں کی ماورائے عدالت ہلاکتوں کے نئے شواہد پر تشویش کا اظہار کرتے ہوئے شفاف تحقیقات کا مطالبہ کیا ہے۔
پاکستان نے سندھ طاس معاہدے کی بھارتی خلاف ورزیوں کے خلاف اقوام متحدہ کی سلامتی کونسل سے رجوع کرتے ہوئے وزیر خارجہ اسحاق ڈار کا خصوصی خط کونسل کی صدر کے حوالے کر دیا ہے۔
امریکہ نے لبنان کی تنظیم حزب اللہ کے مالیاتی نیٹ ورک کے خلاف بڑا اقدام اٹھاتے ہوئے متعدد افراد اور کمپنیوں پر نئی اقتصادی پابندیاں عائد کر کے ان کے اثاثے منجمد کر دیے ہیں۔
ایران کشیدگی کو ابراہیم معاہدوں کے تحت اسرائیل نواز ایجنڈے سے جوڑنے کی امریکی سینیٹر لنڈسے گراہم کی کوششیں پاکستان کے اصولی مؤقف کے سامنے ناکام ہو گئی ہیں۔
فیلڈ مارشل سید عاصم منیر کی ایران میں اعلیٰ سطحی عسکری سفارت کاری اور اسلام آباد مذاکرات کے مثبت تسلسل کے نتیجے میں عالمی ڈیڈ لاک ٹوٹ گیا ہے اور خطے پر منڈلاتے جنگ کے بادل چھٹ گئے ہیں۔
امریکہ ایران ثالثی کے سلسلے میں فیلڈ مارشل عاصم منیر اور وزیرِ داخلہ محسن نقوی تہران میں موجود ہیں، جہاں ایرانی صدر اور وزیرِ خارجہ سے امن عمل پر اہم ملاقاتیں ہوئی ہیں۔
بیجنگ کے گریٹ ہال آف پیپل میں شی جن پنگ اور ولادیمیر پیوٹن کے درمیان اہم ملاقات ہوئی، جس میں مشرقِ وسطیٰ میں فوری جنگ بندی، عالمی گورننس اور اقتصادی تعاون پر تفصیلی تبادلۂ خیال کیا گیا۔
سعودی عرب کی ایئر ڈیفنس فورسز نے عراقی سرحد سے فضائی حدود میں داخل ہونے والے 3 مسلح ڈرونز کو کامیابی سے تباہ کر دیا ہے، جبکہ سعودی عرب نے یو اے ای کے جوہری پلانٹ کے قریب ڈرون حملے کی بھی شدید مذمت کی ہے۔
ایرانی وزیرِ خارجہ نے پاکستان کی ثالثی پر اعتماد کا اظہار کیا ہے، جبکہ ماہرین نے ایران پر ممکنہ حملوں کی صورت میں عالمی معیشت اور سپلائی چینز کے شدید متاثر ہونے کا خدشہ ظاہر کیا ہے۔
اقوام متحدہ میں پاکستان کے مستقل نمائندے عاصم افتخار احمد نے یومِ نکبہ کے موقع پر فلسطینی عوام کے ساتھ غیر متزلزل یکجہتی کا اعادہ کرتے ہوئے کہا ہے کہ فلسطین پر غاصبانہ قبضہ، ناانصافی اور مظالم کا سلسلہ اب اگلی نسل تک منتقل نہیں ہونا چاہیے بلکہ اس کا فوری خاتمہ ناگزیر ہے۔
واشنگٹن کی جانب سے مسلسل متضاد پیغامات موصول ہو رہے ہیں جس نے تہران کو امریکیوں کی حقیقی نیت کے بارے میں ہچکچاہٹ میں مبتلا کر دیا ہے۔ ایران ہمیشہ سفارت کاری کا خیرمقدم کرتا ہے اور وہ ہر اس ملک کی کوشش کو سراہتے ہیں جو خطے میں امن کے لیے مدد کرنے کی صلاحیت رکھتا ہو۔
انہوں نے واضح کیا کہ امریکی جبر کے خلاف ہماری مزاحمت کوئی نئی جنگ نہیں ہے بلکہ دنیا کی اکثر قومیں طویل عرصے سے اس جبر کا مختلف شکلوں میں سامنا کرتی آ رہی ہیں۔ ان کا کہنا تھا کہ زوال پذیر سلطنتیں اپنے حتمی انجام کو روکنے کے لیے کسی بھی حد تک جا سکتی ہیں، اس لیے تمام ممالک کو اب متحد ہو کر اس خطرناک چیلنج کا مقابلہ کرنا ہو گا۔
